Kabashi: Ideja e “korrigjimit të kufijve” , e kamotshme, serbomadhe për zhbërjen e hapësirës jetësore të kombit shqiptar - Bota Sot
Kabashi: Ideja e “korrigjimit të kufijve” , e kamotshme, serbomadhe për zhbërjen e hapësirës jetësore të kombit shqiptar

Politika

E premte, 19 tetor 2018

Kabashi: Ideja e “korrigjimit të kufijve” , e kamotshme, serbomadhe për zhbërjen e hapësirës jetësore të kombit shqiptar

Nga: N.A Më: 9 tetor 2018 Në ora: 14:38
Hashim Thaci

Publicisti i njohur Bajram Kabashi ka thënë për “Bota sot” ka thënë se, presidenti i vendit po vepron prapa shpinës së kombit shqiptar në Kosovë dhe të institucioneve të shtetit, duke dalë me apo pa vetëdije në favor të një shteti tjetër.

"Ideja e Thaçit" për "korrigjim" kufijsh, nuk ka qenë kurrë ide e një shqiptari, e as ide e një politikani e burrështetasi të mirëfilltë të Kosovës. Kjo, në të vërtetë ka qenë dhe mbetët një ide e kamotshme serbomadhe për zhbërjen e hapësirës jetësore të kombit shqiptar. Dihet historikisht se sa herë që serbomëdhenjtë kanë bërë "korrigjime" apo "krasitje" të tilla me luftë apo me "paqe" ndaj territorit të kombit shqiptar, në realitet e kanë lënë një "pykë",-sherr tjetër, për ta shfrytëzuar në momentin më të volitshëm për ta në mënyrë që të vazhdojnë me "korrigjime të tjera" deri në zhbërjen definitive të hapësirës jetësore të kombit shqiptar. Pjesës së pyetjes se, "a po bije "poshtë" ideja joshqiptare e Thaçit, mund t'i përgjigjem kështu që ajo "ide" është e mëkatshme vetëm po të shqiptohet, se lëre më të bëhet propagandë për të, siç bënë "presidenti", si të ishte pjesë e presidencës së Serbisë. Popujt e mençur edhe kur i humbin territoret me luftë , nuk pajtohen me humbjen , e Hashim Thaçi me "dorën e vet" dhe pa e pyetur askënd , do të çmendet për t'ia dhënë pjesët e veriut vendit Serbisë , që asaj kurrë nuk i kanë takuar” ka thënë ai.

Image
Bajram Kabashi

Në fund Kabashi ka thënë se presidenti Thaçi, po të kishte vetëm pak ndërgjegje njeriu e ndërgjegje kombëtare, do të duhej të largohej pa e larguar të tjerët.

“Hashim Thaçi e ka humbur besimin e popullit të Kosovës me sjelljet e tija çmendurake shtet zhbërës këta muajt e fundit ... Ai ka punuar prapa shpinës së kombit shqiptar në Kosovë dhe të institucioneve të shtetit , duke dalë me apo pa vetëdije në favor të një shteti tjetër. Ai do të duhej të ishte qytetari më lojal dhe më i përgjegjshëm i Republikës së Kosovës si president që është , e se a e ka humbur "partneritetin me Shqipërinë" nuk është aq me rëndësi, kur atë e ka humbur me qytetarët e vendit të vet ! Kjo që ka bërë ai nga pozita më e lartë e shtetit është një fatkeqësi e vërtetë kombëtare, është veprimi më antikushtetues i mundshëm i tij. Po të kishte vetëm pak ndërgjegje njeriu e ndërgjegje kombëtare, ai do të duhej të largohej pa e larguar të tjerët” ka përfunduar Bajram Kabashi.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test