Profesori universitar tregon pse u shkarkua ministri Bejtush Gashi - Bota Sot
Profesori universitar tregon pse u shkarkua ministri Bejtush Gashi

Politika

Profesori universitar tregon pse u shkarkua ministri Bejtush Gashi

Nga: G.B Më: 17 tetor 2018 Në ora: 19:16
Bejtush Gashi

Ministri i Punëve të Brendshme është shkarkuar nga detyra për shkak të performancës së dobët. E në vend të tij, është emëruar Ekrem Mustafa.

Bejtush Gashi nuk kishte shumë kohë që ishte emëruar ministër i kësaj ministrie.

Image
Fadil Maloku

E për ndërrimin e shpeshtë të ministrave të Punëve të Brendshme brenda një periudhe të shkurtër, njohësi i çështjeve aktuale në vend, profesori Fadil Maloku, ka thënë për gazetën “Bota sot” se MPB duke qenë ministri e dëgjueshme e politikës, ka bërë që interesant klanore të politikanëve të ndeshen me ato të politikës dhe ndërrimi i shpeshtë i ministrave duket se vjen nga shtimi i kontrollit nga bosat e nëntokës.

“MPB e njohur gjithnjë si një ministri e dëgjueshme e politikës, ka bërë që interesat klanore të bizneseve oligarkike (të politikanëve biznesmen, e jo e kundërta, biznesmenëve politikanë!?), të ndeshen jo rrallë herë me interesat e politikës kosovare - [ ] Ndërrimi i shpeshtë i ministrave nga ky institucion, duket që është pasojë e mu këtij shtimi të kontrollit dhe survejimit që po vjen nga “bossat” e nëntokës politike [ ]. Edhe “dorëheqja” e Ministrit Gashi, pa fije dyshimi ka të bëjë me këtë dukuri”, është shprehur ai.

Sipas Malokut, Gashi ka pasur përgatitjen profesionale e morale, por duket se ai nuk ka mundur tu bëjë ballë presioneve e shantazheve.

“Por, fakti dhe akti që i njëjti ka pranuar që të katapultohet në misionin diplomatik, për mua është shumë simptomatike! Si të shpjegohet “shkarkimi” (largimi!) e Z. Gashi me pretekstin e ”perfomancës”!? Kur, kihet parasysh e gjithë ngrehina ministrore e kësaj qeverie, me përplot ministra e zv.ministra me aktakuza të ngritura? Që d.m.th. Se z. Gashi, me përgatitjen e tij profesionale, e morale, ua tejkalon që të gjithëve...Duket, që i njëjti s’ka mundur t’u bëjë ballë presioneve dhe shantazheve të oligarkisë mediokre politike...”, ka deklaruar profesori Fadil Maloku për “Bota sot”.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test