Serbia po punon ditë e natë kundër shtetit të Republikës së Kosovës. Puna e tyre po ka efekt, pasi kanë arritur që Kosovës të ia tërheqin 10 njohje.
Puna e palodhshme e ministrit të Punëve të Jashtme të Serbisë, Ivica Daçiç, ka bërë efektin e tyre, normalisht në dëm të Kosovës.
Shteti serb, me të cilin presidenti i Kosovës, Hashim Thaçi nuk ndalet së reshturi duke punuar me ta e për ta, dita – ditës po tregohen shumë të fuqishëm karshi shtetit tonë.
Përveç kësaj, presidenti ynë, pritet që edhe tua falë veriun e Kosovës, ndoshta kjo është më e pakta nga ajo se çka pritet prej presidentit Hashim Thaçi dhe vet shteti serb!
Gazeta “Bota sot”, ka siguruar dhjetë emrat e shteteve të cilat i kanë tërhequr tashmë njohjet për Kosovës.
Këtë lajm e ka konfirmuar edhe ambasadori i Britanisë së Madhe në Kosovë, Ruairi O'Connell.
Dominika, Surinami, Liberija, Sao Tome i Principe, Gvineja, Bisao, Burundi, Papua Nova Gvineja, Lesoto dhe Komonet, janë dhjetë shtetet të cilat tashmë e kanë tërheqë njohjen për Kosovën, pas punës së madhe të Daçiçit.
Gazeta “Bota sot”, mëson nga burimet e saja se, Serbia është në bisedime edhe me disa shtete Evropiane, kurse presidenti Thaçi ulet në tavolinën e bisedimeve me ta.
Një gjë e dhimbshme që Kosovës i vjen nga Thaçi, është pikërisht rreziku i ndonjë marrëveshje të fshehur në Paris, më 11 nëntor të këtij viti.
Pas tërë kësaj, shtetet mike të Kosovës, më mirë të themi, e gjithë Bota po pyet se çfarë duhet tjetër të ndodhë me shqiptarët që të vetëdijesohen dhe ta heqin këtë kastë të korruptuar nga politika!