Të gjithë pretendentët për kryeministër që nga pas lufta, premtim kryesor për të ardhur në krye të vendit e kanë pasur dhe vazhdojnë të kënë liberalizmin e vizvave.
Të njejtin premtim e kishte dhënë edhe kryeministri aktual i vendit, Ramush Haradinaj mirëpo afati për liberlaizmin të vizave sipas tij do ishte vetëm 90 ditë.
E tani që kanë kaluar disa muaj që nga konstituimi i qeverisë Haradinaj ende nuk kemi lëvijze të lirë të qytetarëve.
Mirëpo sa do të ishte njerëzore që politikanët tanë të jepnin dorëheqje pas mos realizimt të premtimeve të tyre.
Njohësi i zhvillimeve politike në vend, Imer Mushkolaj ka thënë për gazetën “Bota sot” se në përgjithësi politikanët në Kosovë nuk e njohin fjalën “përgjegjësi”, e aq më pak “dorëheqje”, andaj vazhdojnë të premtojnë e të mos realizojnë.
“Po të ishte që qeveritë të kishin dhënë dorëheqje për shkak të premtimeve të papërmbushura, atëherë Kosova do të mbetej vazhdimisht pa qeveri. Më e pakta që do të duhej bërë në këto raste, pasi që dorëheqja fatkeqësisht nuk vjen në konsiderim, do të ishte shprehja e keqardhjes, marrja e përgjegjësisë për premtimet e parealizuara. Në përgjithësi politikanët në Kosovë nuk e njohin fjalën “përgjegjësi”, e aq më pak “dorëheqje”, andaj vazhdojnë të premtojnë e të mos realizojnë” ka thënë Imer Mushkolaj.