INPO: Premtimet e Komunës së Prishtinës ndesh me interesin qytetar - Bota Sot
INPO: Premtimet e Komunës së Prishtinës ndesh me interesin qytetar

Prishtina

INPO: Premtimet e Komunës së Prishtinës ndesh me interesin qytetar

Më: 26 dhjetor 2018 Në ora: 14:00
Komuna e Prishtinës

Kuvendi Komunal i Prishtinës pritet që në mbledhjen e jashtëzakonshme të thirrur për datën 26.12.2018 të marrë vendim për ndarjen e mjeteve ndërmarrjes publike lokale “ Pallati i Rinisë”, për pagesën e borxheve dhe pagesën e 20% për ndërmarrjen IMN KOSOVA”. Shuma që do të ndahet për të parën është 3,757,619.00€ dhe 2,515,845.00€ për të dytën.

Për këtë, Organizata INPO përmes një reagimi për media ka shprehur shqetësimin  për këtë veprim të Komunës së Prishtinës, sidomos në aspektin e burimeve prej nga janë siguruar këto mjete financiare.

“Këto mjete janë siguruar nga projektet që kanë rëndësi esenciale për Komunën e Prishtinës dhe qytetarët e saj. Burimet financiare për këtë qëllim janë marr nga këto projekte: Shpronësime 450,000.00€, Kolektori dhe rruga mbi përroskën në lagjen Mat (1 dhe 2) 1,300,050.00€, Ndërtimi i kolektorit të lumit Prishtina dhe rruga mbi kolektor 700,00.00€, Tregu i qytetit 976,464.00€, Info qendrat turistike dhe implementimi i strategjisë së turizmit 100,000.00€, Hartimi i hartës zonale 100.000.00€, Galeria e Artit 150,000.00€, Ndërtimi i fabrikës së ujit në Shkabaj 2,447.000.00€”, thuhet në reagimin e INPO.

INPO, e cilëson vendimin e komunës në kundërshtim me parimet e mirëmenaxhimit të parasë publike, ngase:

Të gjitha mjetet që Drejtoria e Pronës i kishte në dispozicion për shpronësime janë huazuar, ndërsa nevoja për shpronësime është e jashtëzakonshme sa që projekti i kolektorit dhe asfaltimi i rrugës mbi përroskën në lagjen MAT, kanë dështuar si pasojë e problemeve pronësore. Ndërsa Komuna e Prishtinës me komoditet i përdor të njëjtat mjete për ndihmë të ndërmarrjeve publike. Nga ana tjetër qytetarët çdo ditë i vuajnë pasojat e dështimeve në ato projekte.

Në mbledhjen e njëmbëdhjetë Kuvendi Komunal i Prishtinës miratoi Strategjinë për Turizëm, ndërsa pakë ditë më vonë komuna i ridestinon 100,000.00 €, të cilat do të përdoreshin për zhvillimin e asaj strategjie. Kjo, gjithashtu e dëshmon qasjen e ekzekutivit e aktual.

Kanë mbetur edhe tetë muaj që të përfundoj harta zonale e Komunës së Prishtinës, ndërsa ekzekutivi nga ky plan shumë i rëndësishëm e sheh të arsyeshëm t`i ridestinoj 100,000.00€ në mënyrë që t`i paguaj borxhet e ndërmarrjeve publike.

Qytetarët e Komunës së Prishtinës kanë nevoja të jashtëzakonshme për të cilat komuna nuk po arrin të gjej zgjidhje, ndërsa ndarja e mbi gjashtë milion eurove nuk do ta rregulloj asnjë problem të tyre.

"Organizata INPO i fton anëtarët e Kuvendit Komunal të Prishtinës që ta shfrytëzojnë të drejtën e tyre dhe të mos e votojnë këtë vendim", thuhet nder të tjera në reagim.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...