Kryetari i Prishtinës Shpend Ahmeti ka bërë të ditur se edhe më tutje të gjitha kompanitë e kontraktuara dhe të gjitha kapacitetet komunale janë në pastrim të rrugëve.
“Prishtina i ka 2200 rrugë dhe bora pastrohet vazhdueshëm. Megjithatë, për shkak të reshjeve të mëdha, qarkullimi është i vështirësuar. Ju lusim për qarkullim të kufizuar dhe pas ndaljes së reshjeve do të jemi në gjendje të stabilizojmë situatën edhe më tutje. Falënderoj ekipet që po vazhdojnë me punë pandërprerë”, shkruan Ahmeti.
