Prishet krejt rruga përballë Ministrisë së Arsimit - Bota Sot
Prishet krejt rruga përballë Ministrisë së Arsimit

Prishtina

Prishet krejt rruga përballë Ministrisë së Arsimit

Më: 5 prill 2019 Në ora: 23:08
Rruga “Ali Pash Tepelena”

Rruga “Ali Pash Tepelena”, e cila ndodhet në lagjen “Aktash” të Prishtinës është shkatërruar tërësisht.

Pranvera ka nxjerr gropat në katër anët e rrugëve të kryeqytetit. Por, rruga “Ali Pash Tepelena” e cila ndodhët në ballë të objektit të Ministrisë së Arsimit ka pësuar deformim të madh.

Në rrugë nuk janë hapur vetëm disa gropa, por ajo është shkatërruar e tëra.

Image

Qytetarët kërkojnë nga organet komunale që të ndërhyjë urgjentisht. Ata kanë fajësuar edhe kompanitë e ndërtimit që po ndërtojnë banesa në skaj të rrugës.

“Siç pe shihni edhe vetë, po duhet me vozite me të paren, besa edhe ma ngadalë. Edhe vjet ka qenë kështu, por sivjet është bërë llom”, tha njeri prej taksisteve, i cili e parkon veturen çdo ditë përballë objektit të MASHT-it.

Ndërkohë, Gëzim Gashi fajin për dëmtimin e rrugës thotë se e kanë kompanitë e ndertimit, që po ndërtojnë aty. “Vjet është ndërtuar më të madhe, bash mbi rrugë. Kanë kaluar shumë kamiona e bagera viteve të fundit mbi ketë rrugë. Shikoni ç’farë ndërtesash po ndërtohën mbi rrugë, a keni parë ndonjëherë më të larta. Këtu nuk bëhet fjalë me i riparu gropat. Duhet me u riasfaltu prej fillimit”, thotë Gashi, i cili ka një biznes bri rrugës.

Image

Ndërkaq, rruga është e gjatë rreth 200 metra, dhe shtrihet mbi rrugën “Agim Ramadani” në lagjen “Aktash”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...