Tre nxënës të shkollës së mesme të agrobiznesit dhe teknologjisë “Abdyl Frashëri” sot janë shtrirë në QKUK, pasi janë therur më thikë brenda këtij institucioni.
Dy nga këta tre nxënës janë liruar nga spitali, ndërsa njëri nga ata iu është nënshtruar një operacioni prej 3 orë.
Nxënësit i ka vizituar kryetari i Komunës së Prishtinës, Shpend Ahmeti, i cili tha se i mituri që iu është nënshtruar operacionit është jashtë rrezikut për jetë.
“Mjekët që e operuan djalin më thanë se është jashtë rrezikut për jetë, Ky është lajmi i mirë për ne, në kuadër të këtij lajmi të keq që ka ndodhur për Prishtinën”, tha Ahmeti.
