Reshjet e shiut dëmtojnë disa fakultete të UP-së, pezullohet procesi i pranimit të aplikacioneve për studentët e rinjë

Prishtina

Reshjet e shiut dëmtojnë disa fakultete të UP-së, pezullohet procesi i pranimit të aplikacioneve për studentët e rinjë

Më: 10 korrik 2019 Në ora: 18:51
Foto

Universiteti i Prishtinës ka njoftuar se si pasojë e reshjeve të shiut, objekti i Fakultetit të Shkencave Matematike – Natyrore dhe i Fakultetit të Filologjisë në Universitetin e Prishtinës “Hasan Prishtina”, ka pësuar dëmtime të shkaktuara nga rrjedhja e ujit nga kulmi, i cili ka qenë në proces të renovimit.

Në njoftimin për media thuhet se menaxhmenti i Universitetit të Prishtinës “Hasan Prishtina”, ka pranuar me shqetësim situatën e krijuar dhe gjatë ditës së sotme ka vizituar disa herë vendin e ngjarjes, për të parë nga afër gjendjen e objektit në fjalë.

“Menaxhmenti ka ndërmarrë të gjitha masat e nevojshme për sanimin e dëmeve të krijuara, si dhe parandalimin e dëmeve të mëtutjeshme. Për me tepër, Rektorati ka përgatitur shkresën për të kërkuar nga organet hetimore zbardhjen e shkaktarëve real të këtij demi. Gjatë ditës, menaxhmenti ka realizuar takime me drejtues të kompanisë punëkryese për renovimin e kulmit, “Ylli Brothers Group”, nga të cilët ka kërkuar angazhim maksimal për tejkalimin e menjëhershëm të situatës. Njëherësh, është kërkuar nga punëtorët e kompanisë punëkryese dhe kompanisë së pastrimit, që të angazhohen me kapacitete të shtuara për mbajtje në kontroll të gjendjes së objektit”, thuhet në njoftim.

Sipa snjoftimit për shkak të shkyçjes së energjisë elektrike, procesi i pranimit të aplikacioneve për studentë të rinj në FSHMN momentalisht është pezulluar.

“Mirëpo, është duke u punuar që së shpejti të identifikohën mundësitë se si mund të rifillojë procesi, duke garantuar që kandidatët të mos dëmtohen. Madje, në rast që paraqitet nevoja, do të zgjatet edhe afati për aplikim të kandidatëve, për çka do të njoftoheni me kohë. Menaxhmenti i UP-së, në kuadër të kompetencave të tij, zotohet në përkushtim maksimal për identifikimin e shkaktarëve të këtij dëmi, po ashtu që kandidatët për studentë, studentët dhe stafi të mos dëmtohet, si dhe premton bashkëpunim me të gjitha organet kompetente për të tejkaluar situatën e krijuar”, thuhet në njoftim.

commentFirst article
Sot mund të lexoni Shfletoni kopertinat