Një burrë 55 vjeçar mbeti i vdekur të enjten pasdite, në një ndërtesë në të cilën ishte duke punuar si punëtor i ndërtimtarisë .
Ngjarja tragjike ku 55 vjeçari ra nga kati i shtatë i ndërtesës ka ndodhur rreth orës 17:45 në rrugën “Robert Doll” në Prishtinë.
Në vendin e ngjarjes dolën ekipet e mjekësisë ligjore, njësitet policore dhe përfaqësues të prokurorisë.
Vdekjen e punëtorit e ka konfirmuar edhe zëdhënësja e policisë për rajonin e Prishtinës, Flora Ahmeti.
Pas të gjitha ekzaminimeve në vendin e ngjarjes, viktima u largua nga objekti rreth orës 20:00 në mbrëmje.
