Banorët e “Kalabrisë” në hall me kanalizimin - Bota Sot
Banorët e “Kalabrisë” në hall me kanalizimin

Prishtina

Banorët e “Kalabrisë” në hall me kanalizimin

Më: 4 tetor 2019 Në ora: 23:31
Foto ilustrim

Kolonat e automjeteve në lagjen “Kalabria’’ të Prishtinës janë të shpeshta, si pasojë e dëmtimit të rrugës kryesore në këtë lagje.

Përveç dëmtimit të rrugës, banorëve problem po u shkakton edhe kundërmimi që vjen nga kanalizimi i hapur.

Ata theksojnë se gjendja në lagje është e mjerueshme, derisa shtojnë se pushteti lokal po tregon papërgjegjësi me mosrregullimin e këtij problemi.

Banorë të tjerë thonë se për shkak të këtij kundërmimi mendojnë edhe largimin nga kjo lagje, derisa edhe rruga e dëmtuar dhe frekuentimi i shpeshtë i makinave u shkakton telashe.

Për rregullimin e këtij problemi, Komuna kishte nënshkruar kontratë për ndërtimin e një kolektori në vitin 2017, me punimet që pritej të përfundonin në afat prej 180 ditëve.

Mirëpo, edhe dy vjet pas nënshkrimit të kontratës, gjendja në “Kalabri’’ mbetet e pandryshuar, raportohen KTV.

Në një përgjigje përmes telefonit, zyrtarë komunalë kanë thënë se pjesa në të cilën kanë filluar punimet është pronë private dhe se janë duke u sqaruar me pronarët e tokës.

Mirëpo, nuk kanë dhënë sqarime të mëtutjeshme se kur pritet të rifillojnë punimet në këtë lagje.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...