Komuna e Prishtinës ka njoftuar se do të shpërndajë shujta për fëmijët me nevoja të veçanta. Këtyre fëmijëve do t’u ofrohet ushqim nga Kuzhina Qendrore
Përmes një postimi në web faqen zyrtare të Komunës së Prishtinës, është bërë e ditur se do të sigurohen rreth 150 shujta në javë.
“Fëmijët me nevoja të veçanta, të cilët janë në qëndrim ditor në Handikos, tash e tutje do ta kenë një shujtë të ngrohtë në ditë të përgatitur nga Kuzhina Qendrore e Komunës së Prishtinës. Komuna do të sigurojë rreth 150 shujta të tilla në javë, kurse Handikos do të kujdeset për transportin e ushqimit nga Kuzhina Qendrore deri në objektin e tyre”, thuhet në njoftim/