Edhe këto ditë qytetarë e Prishtinës janë duke u përballur me ajrin e pashëndetshëm.
Ajri i ndotur në kryeqytet është rikthyer, ku indeksi i cilësisë po konsiderohet edhe këtë javë ‘i pashëndetshëm’.
Pavarësisht kësaj, qytetarët e Prishtinës siç duket nuk po e ndalin përdorimin e qymyrit.
Një rast i tillë është parë edhe sot në lagjen “4 Llullat” në rrugën, “Zenel Salihu”, për të cilin lajmi.net kishte raportuar edhe më herët.
Kujtojmë, se vitin e kaluar Qeveria e Kosovës mori vendim për ndalimin e përdorimit të thëngjillit për ngrohjen e objekteve publike.
