Ujsjellësi Prishtina apelon të mos hudhen mbeturinat në rrjetin e kanalizimit - Bota Sot
Ujsjellësi Prishtina apelon të mos hudhen mbeturinat në rrjetin e kanalizimit

Prishtina

Ujsjellësi Prishtina apelon të mos hudhen mbeturinat në rrjetin e kanalizimit

Më: 17 prill 2020 Në ora: 10:15
Ilustrim

Kompania Rajonale e Ujësjellësit “Prishtina”, ka njoftuar se muajin e kaluar është intervenuar në mbi 350 raste për zhbllokime të pusetave të ujërave të zeza, pastrim i pusetave dhe vendosje të kapakëve të pusetave në tërë zonën e shërbimit.

Sipas komunikatës, vetëm ditën e djeshme kanë intervenuar në 7 raste në qytetin e Prishtinës, një rast në Fushë Kosovë dhe një në Drenas.

“Në këtë kohë pandemie, gjithnjë në përballje kundër përhapjes së virusit COVID-19, lusim të gjithë qytetarët të kenë kujdes dhe mos të hudhin mbeturina, gjëra ushqimore të mbetura jashtë përdorimit, yndyrëra, faculeta të lagura në rrjetin e kanalizimit ( në guacën e tualetit dhe lavamanin e kuzhinës) të cilat janë të papërballushme për një sistem të kanalizimit i cili nuk është i dedikuar për gjëra të panevojshme( të dëmshme), ngase po e dëmtojnë rrjetin e kanalizimit duke krijuar vështirësi për punëtorët tanë në zhbllokimin e tyre madje, duke u krijuar edhe telashe konsumatorëve në afërsi.

Rastet e tilla zhbllokohen çdoherë nga ana e ekipeve të mirëmbajtjes së rrjetit të kanalizimit, por mbeturinat e llojeve të ndryshme si ( përzierja e yndyrnave dhe mbetjeve të tjera të lëngëta e edhe të ngurta) po shkaktojnë shqetësime në shëndetin e punëtorëve dhe mund të krijohen kushte jo të favorshme për intervenim. Është koha të japim respektin më të madh për punëtorët e mirëmbajtjes së KRU"Prishtina" sepse puna e tyre në terren sidomos në këtë periudhë me rrezikshmëri të lartë, është vërtetë e pashembullt. Gjithçka që ata po bëjnë është mënyra që ata kanë gjetur për t'u dalë në ndihmë secilit konsumatorë”, thuhet në njoftim.

Shfaq komentet
comments powered by Disqus
Sot mund të lexoni Shfletoni kopertinat