​Prishtina në javën e tretë të karantinës - Bota Sot
​Prishtina në javën e tretë të karantinës

Prishtina

​Prishtina në javën e tretë të karantinës

Më: 28 prill 2020 Në ora: 16:34
Foto ilustrim

Prishtina ka hyrë në javën e tretë të karantinës si pasojë e përhapjes së koronavirusit.

Më vendim të Ministrisë së Shëndetësisë, më 11 prill u vendos që të ndalohen hyrjet dhe daljet në kryeqytet, si masë parandaluese për përhapjen e Covid-19, duke i lejuar të qarkullojnë vetëm personat që punojnë e që janë të pajisur me leje të veçante për lëvizje.

Vendimi për të futur Prishtinën në karantinë është marrë kur instituti i Shëndetësisë Publike në Kosovë, konfirmoi ka 20 persona të infektuar në kryeqytet brenda një dite.

Ndërsa deri sot, Prishtina regjistron 68 persona të prekur me koronavirus dhe një të vdekur.

Prishtina ka ashpërsuar edhe masat me mbylljen e shesheve kryesore për shëtitje dhe tubim të personave, duke i lënë vetëm korridoret për kalim.

Javën që shkoi, kryetari i Prishtinës ka thënë se kryeqyteti mund të dalë nga karantina nëse nuk rritet numri i rasteve të infektuar, ndërkohë që ditët e fundit rezultatet e IKShP-së, e kanë nxjerrë Prishtinën me shifra të ulëta sa i përket rasteve pozitive.

Megjithatë, Prishtina vazhdon të jetë në karantinë dhe me patrullim të Policisë së Kosovës në të gjitha hyrjet e daljet e kryeqytetit, sikur në të gjitha komunat, duke kontrolluar të gjithë personat që dalin në komunikacion.

Më 15 prill, Ministria e Shëndetësisë ka vendosur masa të reja për kufizimin e lirisë së lëvizjes, qytetarët lejohen të dalin nga shtëpitë e tyre vetëm 90 minuta në ditë duke respektuar rregullin me numrin e parafundit të letërnjoftimit.

Policia e Kosovës ka ndaluar 25 persona gjatë 24 orëve të fundit meqë të njëjtit nuk respektuan vendimin e qeverisë për kufizim të lëvizjes, prej të cilëve asnjë rast nuk ishte në Prishtinë.

Shfaq komentet
comments powered by Disqus
Sot mund të lexoni Shfletoni kopertinat