Rekord me numër të rasteve me koronavirus në Prishtinë, brenda 24 orëve 102 të infektuar - Bota Sot
Rekord me numër të rasteve me koronavirus në Prishtinë, brenda 24 orëve 102 të infektuar

Prishtina

Rekord me numër të rasteve me koronavirus në Prishtinë, brenda 24 orëve 102 të infektuar

Më: 7 korrik 2020 Në ora: 20:25
Ilustrim

Ditën e hënë u vendos një rekord i ri i të infektuarve në kryeqytet. Gjithsej 102 persona nga Prishtina rezultuan pozitiv në testin për Covid-19. E në gjithë Kosovën u shënuan 195 raste.

Kështu kryeqyteti u bë edhe komuna e parë që e arrin këtë numër të të infektuarve për 24 orë.

Dikush nga qytetarët e sheh si tejet shqetësuese rritjen e numrit të rasteve dhe bën thirrje për kujdes të shtuar.

Shqetësuese këtë situatë e shohin edhe në komunën e Prishtinës.

Drejtori i Shëndetësisë, Bujar Gashi, thotë që për një muaj e gjysmë rastet me Covid-19  në Prishtinë janë dhjetëfishuar.

Ndërsa, Gashi i mirëpret masat e reja që u ndërmorën në Kryeqytet.

Ai pret që rezultati i këtyre masave të shihet nga mesi i këtij muaji.

“Secila masë jo vetëm ajo por edhe të tjerat që janë të nevojshme në prerjen e zinxhirit janë të mirëseardhura, dhe mendojmë që do të kemi rënie të këtyre rasteve nga mesi I këtij muaji.”

Ndërkohë në sheshet e kryeqytetit, lëvizjet e qytetarëve ishin të shumta.

Ani pse shumë nga ta mbartnin maska, distanca fizike në mes tyre mungonte.

Në Komunën e Prishtinës që nga arritja e pandemisë në Kosovë janë regjistruar 1002 raste me koronavirus, nga ta 742 janë ende aktiv, 255 janë të shëruar, ndërsa 5 persona kanë vdekur.

Shfaq komentet
comments powered by Disqus
Sot mund të lexoni Shfletoni kopertinat