Prishtina përsëri prinë me numrin më të madh të të infektuarve me COVID-19 brenda 24 orëve

Prishtina

Prishtina përsëri prinë me numrin më të madh të të infektuarve me COVID-19 brenda 24 orëve

Më: 24 korrik 2020 Në ora: 15:30
COVID-19

Prishtina përsëri po prinë me numrin më të madh të rasteve të konfirmuara brenda ditës me të infektuar me COVID-19, ku nga 213 rastet e konfirmuara gjithsej, 80 janë vetëm në Prishtinë.

Sipas njoftimit të Institutit Kombëtar të Shëndetësisë Publike të Kosovës, gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 494 mostra të marra nga ShSKUK dhe gjurmimi i kontakteve të rasteve në terren prej të cilëve rezultojnë 213 raste pozitive.

Numri total i rasteve pozitive është 6.680 raste nga 33.289 persona të dyshimtë në virusin SARS-CoV-2, me gjithsej 164 raste të vdekjes të cilët kanë pasur sëmundje të tjera shoqëruese.

Gjatë 24 orëve të fundit, janë shëruar 109 pacientë derisa numri i përgjithshëm i të shëruarve deri më sot është gjithsej 3.614 raste, kurse numri i rasteve aktive është 2.902.

Rastet pozitive janë nga: komuna Prishtinë 80 raste, komuna Prizren 17 raste, komuna Ferizaj 15 raste, komuna komuna Gjilan 14 raste, komuna Podujevë 12 raste, komuna Drenas 11 raste, komuna Fushë Kosovë 9 raste, komuna Mitrovicë 7 raste, komuna Suharekë 7 raste, komuna Lipjan 6 raste, komuna Pejë 6 raste, komuna Viti 6 raste, komuna Vushtrri 5 raste, komuna Skenderaj 4 raste, komuna Deçan 3 raste, komuna Malishevë 3 raste, kurse nga 2 raste komunat: Dragash, Kamenicë, Klinë dhe nga 1 rast Obiliq dhe Shtime. 

commentFirst article
Sot mund të lexoni Shfletoni kopertinat