Kështu e parkoi veturën në Prishtinë, Shpend Ahmeti thotë se do ta dërgojë rastin në Polici

Prishtina

Kështu e parkoi veturën në Prishtinë, Shpend Ahmeti thotë se do ta dërgojë rastin në Polici

Më: 29 korrik 2020 Në ora: 23:22
Pamje nga vendi i ngjarjes

Kryetari i Prishtinës, Shpend Ahmeti ka reaguar lidhur me dëmtimin që po i bëhet gjelbërimit nëpër lagje të shumta në Prishtinë.

Duke publikuar një fotografi ku dikush ka parkuar veturën në një hapësirë të gjelbër tek Bregu i Diellit, Ahmeti tha se rasti në fjalë do të procedohet edhe në polici për kundërvajtje.

Ai theksoi se parkimi pa vend dhe dëmtimi i hapësirave të gjelbëruara është i ndaluar dhe dënohet me gjobë mandatorë.

Madje ai tha se nuk është fer ndaj bashkëqytetarëve një veprim i tillë.

Postimi i plotë:

Kjo hapësirë e përbashkët e banorëve të lagjes Bregu i Diellit është revitalizuar ditëve të fundit.

Parkimi pa vend dhe dëmtimi i gjelbërimit është i ndaluar dhe dënohet me gjobë mandatore.

Mbi të gjitha, nuk ështe fer ndaj bashkëqytetarëve!

Jo parkimit te veturave në gjelbrim e vend e pa vend.

P.S. Kjo do të procedohet edhe në polici për kundërvajtje

commentFirst article
Sot mund të lexoni Shfletoni kopertinat