Në shumë lagje të Prishtinës është duke u investuar në hapësira të veçanta për biçiklistë.
Por pavarësisht kësaj, shumë shoferë po e keqpërdorin këtë anë, duke i parkuar veturat e tyre vend e pavend.
Një gjë e tillë ndodhi sot në lagjen Dardania, në afërsi të KEK-ut, ku një veturë ishte parkuar në hapësirën e rezervuar për biçiklistë.
Kryetari i Prishtinës, Shpend Ahmeti ka publikuar një fotografi, ku edhe shihet një zyrtarë policor i cili i shqipton gjobën për këtë shkelje.
Duhet përkujtuar që edhe ditë më parë Ahmeti apeloi që të mos parkohen veturat në këtë anë duke thënë se po e detyrojnë që të merret vendim për vendosjen e pengesave vetëm e vetëm që të mos ndalojnë automjetet.
