A ka të lënduar nga grabitja në një market në Prishtinë?

Prishtina

A ka të lënduar nga grabitja në një market në Prishtinë?

Më: 19 nëntor 2021 Në ora: 00:24
Pamje nga vendi i ngjarjes

Një grabitje ka ndodhur sonte në marketin “Kam” i cili gjendet në rrugën “Isa Kastrati” në Prishtinë.

Këtë e bëri të ditur Flora Ahmeti, zëdhënëse në Policinë e Kosovës.

“Rreth orës 21:20 është raportuar për një grabitje të ndodhur në një market në rrugën “Isa Kastrati” në Prishtinë”.

“Pas marrjes së informacionit policia ka dalë në vendngjarje dhe bazuar në informacionet e para  dyshohet që grabitja të jetë kryer nga tre persona”.

“Policia ka iniciuar një hetim lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rrethanave të rastit”, ka thënë Ahmeti.

Nga informacionet e deritanishme akoma nuk dihet se a ka ndonjë person të lënduar. Klan Kosova ka provuar të kontaktojë me menaxherët e këtij marketi por nuk janë përgjigjur.

Qytetarë të asaj zone, kanë deklaruar se punonjësit e këtij marketi ishin terrorizuar nga ajo çfarë kishte ndodhur.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat