Kryetari i Prishtinës, Përparim Rama, në emisionit “Ju Flet Prishtina” ka folur mbi situatën se si ai po e sheh tash kryeqytetin prej se është bërë prijës i tij.
Rama tha se tash, Prishtinën po e sheh me sy më ndryshe, sepse sipas tij, kryeqytetin nuk po e sheh më si jetim.
“Tash, po e shoh me sy ndryshe Prishtinën, për arsye se nuk e shoh më si jetim Prishtinën. Tash e ka dikë që ia ndien për të, me i ndihmuar qytetit dhe qytetarëve të Prishtinës”, është shprehur Rama në emisionin “Ju Flet Pristhina”.
Më tej, Rama tha se Prishtinën po e do më shumë, sepse sipas tij, tash është në mbrojtjen e tij.
“Duke u takuar shumë e më shumë me ekipet e komunës dhe me mundësitë që mundemi me i zhvillu për të mirën e Prishtinës vetëbesimin e kam edhe më të lartë se mundemi më bë ndryshime pozitive”.
“Kështu që, Prishtinën po e dua më shumë sepse tash është nën mbrojtjen time dhe jemi çdo ditë duke bërë plane për ta bërë mirë e më mirë”, është shprehur Rama.
