Përparim Rama dhe ekipi i tij shëtisin me biçikleta në kryeqytet

Prishtina

Përparim Rama dhe ekipi i tij shëtisin me biçikleta në kryeqytet

Më: 24 prill 2022 Në ora: 13:47
Përparim Rama me stafin e Komunës së Prishtinës

Kryetari i Komunës së Prishtinës, Përparim Rama ka dalë me biçikletë në ditën e dytë të testit të disa rrugëve kryesore në kryeqytet për shndërrimin e unazës qendrore.

Rama është shoqëruar nga një pjesë e stafit të tij.

Këtë e ka bërë të ditur nënkryetari i komunës së Prishtinës, Alban Zogaj në një postim në Facebook.

“Prishtina e biçikletës”, ka shkruar Zogaj.

Ashtu siç është paralajmëruar gjatë kësaj fundjave, krejtësisht si rrugë njëkahëshe kanë funksionuar:

– Rruga ‘Agim Ramadani’ që nga semaforët pranë ish-menzës së Studentëve e deri te rrethrrotullimi prapa ndërtesës së Komunës

– Rruga ‘UÇK’ nga Parlamenti e deri te ish-Kino Rinia.

– Rruga ‘Migjeni’ deri te ndërtesa e ish-OSBE

– Rruga ‘Luan Haradinaj’ deri te semaforët pranë Bankës Qendrore

– Rruga ‘Garibaldi’ deri te semaforët pranë Grandit

– Rruga ‘George Bush’ deri te semaforët pranë Katedrales

– Rruga ‘Eqrem Çabej’ deri te semaforët pranë ish-Menzës së Studentëve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat