​Mosmbajtja e “Sunny Hill” në Prishtinë, Rama: Për shkak të zvarritjes nga ana e qeverisë

Prishtina

​Mosmbajtja e “Sunny Hill” në Prishtinë, Rama: Për shkak të zvarritjes nga ana e qeverisë

Më: 16 qershor 2022 Në ora: 14:32
Përparim Rama

Pas zhvendosjes së edicionit të sivjetmë të Festivalit “Sunny Hill”, në Tiranë, kryetari i Prishtinës, Përparim Rama në një konferencë për media e ka quajtur një lajm dëshpërues për kryeqytetin dhe Kosovën.

Ai tha se gjatë këtyre muajve kanë bërë përpjekje maksimale për t’i mundësuar festivalit të ketë shtëpinë e vetë të përhershme në Prishtinë.

Rama u shpreh se arsyeja pse ky festival nuk po mbahet sivjet në Prishtinë është kryekëput për shkak të zvarritjes nga ana e qeverisë.

Kryetari i Prishtinës, Përparim Rama u shpreh se planifikimet për ketë vit kanë qenë 12-13 milionë euro dhe kjo është humbje e madhe.

Ai tha se nuk është kundër mbajtjes së Sunny Hill në Tiranë dhe se atje do të shkoi edhe vetë ai, por u shpreh se ky festival është i Prishtinës dhe Kosovës dhe do të angazhohet maksimalisht që mbajtja e festivali të kthehet në Prishtinë.

Kreu i Prishtinës theksoi se MAPL ka vendosur tri kritere siç ishte publikomini e listës së pronës, miratimi i saj dhe negocimin me Sunny Hill.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat