Përparim Rama bëhet me zyrë edhe në objektin e ri të Komunës

Prishtina

Përparim Rama bëhet me zyrë edhe në objektin e ri të Komunës

Më: 3 dhjetor 2022 Në ora: 20:38
Përparim Rama

Objektit të ri të Komunës në kryeqytet po i shtohet edhe një zyre e re, e ajo për kryetarin Përparim Rama.

Një gjë e tillë po bëhet që i pari i kryeqytetit të jetë sa më afër drejtorive të tjera në mënyrë që të kenë koordinim sa me të mirë, raporton “Ju Flet Prishtina”.

Zyra aktuale e kryetarit, që është në objektin e vjetër të Komunës, nuk do të mbetet e pashfrytëzuar.

Sipas drejtorit të Investimeve Kapitale, Krenar Xhaferi, dy nënkryetarët dhe pjesa tjetër e stafit do të mund ta shfrytëzojnë atë krahas kryetarit Rama.

Xhaferi tutje tha se punimet për ndërtimin e zyrës pritet të përfundojnë në fund të këtij viti. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat