Kompania Rajonale e Ujësjellësit “Prishtina”, ka njoftuar se banorët e fshatrave Pomozotin, Bardh i Vogël, Vragoli, Miradi e Epërme si dhe lagjet 28 dhe 29, do të mbesin për gjashtë orë pa ujë të pijshëm gjatë ditës së sotme.
KRU “Prishtina" thotë se nga ora 12:00 deri në ora 18:00 do të ketë ndërprerje të përkohshme në këto zona për shkak të pastrimit të rezervuarëve.
“Të nderuar konsumatorë, ju njoftojmë se për shkak të punimeve të pastrimit të rezervuarëve, nga ora 12:00 deri në ora 18:00, do të ketë ndërprerje të përkohshme të furnizimit me ujë në këto zona: Pomozotini, Bardhi i Vogël, Vragoli, Miradi e Epërme, Lagjet 28 dhe 29.
Kërkojmë mirëkuptimin tuaj dhe ju falënderojmë për durimin derisa të përfundojnë punimet”, thuhet në njoftimin e KRU “Prishtina”.
