Fëmijët e Kopshtit Botanik në Prishtinë, kontribuan në mbjelljen e fidanëve në ambientet e tyre të banimit.
Ata, në mënyrë simbolike mbollën disa fidanë, të cilat do të kujtojnë përherë se të mbjellësh një pemë do të thotë të mbjellësh një jetë.
Kështu ata mësuan në praktikë për rëndësinë që pyjet kanë në mjedisin në të cilin jetojmë.
Këto fidanë u siguruan si donacion nga Agjencia Pyjore e Kosovës, që mbështet projektin e pyllëzimit nga nxënësit e shkollave në vend.
600 fidanë të rinj do të mbillen në ambientet e banuara të nxënësve dhe të komunitetit.