Për të rrënuar një objekt pa leje, Inspeksionit të Prishtinës iu desh edhe ndihma e Njësitit Special të Policisë së Kosovës.
Por me implementimin e Ligjit të Prishtinës më nuk do te ketë nevojë për asistime të atilla të forcave të rendit.
Me draft ligjin për kryeqytetin parashihet krijimi i policisë komunale e cila do te jetë në shërbim të rendit dhe qetësisë dhe mbarëvajtjes së punëve publike brenda territorit të komunës.
Madje vetë kryetari i kryeqendrës se vendit ka të drejt të propozojë drejtorin e përgjithshëm të policisë komunale pas aprovimit nga kuvendi i kryeqytetit.
