Qytetaret “të ndarë” për ndalimin e qarkullimit të veturave në kryeqytet - Bota Sot
Qytetaret “të ndarë” për ndalimin e qarkullimit të veturave në kryeqytet

Prishtina

E diel, 21 tetor 2018

Qytetaret “të ndarë” për ndalimin e qarkullimit të veturave në kryeqytet

Më: 30 janar 2018 Në ora: 17:51
Ilustrim

Ndotja alarmante e ajrit që po mbizotëron ditëve të fundit në Prishtinë, i ka shqetësuar mjaft qytetarët e vendit, e sidomos ata që janë banorë të kryeqytetit .

Disa nga ta shprehen të kënaqur me  ndërmarrjen e masave nga Komuna në bashkëpunim me Qeverinë, duke e parë si një vendim që duhej marrë më herët, e disa nga ta janë të pakënaqur sepse ky vendim pengon bizneset dhe veprimtaritë e qytetarëve.

Qytetari Halim Ymeri, i ka thënë Kp se mirëpret çdo hap që ndërmerret nga institucionet për përmirësimin e cilësisë së ajrit.

Ymeri: Çka të ndërmerret për këtë drejtim është mirë

“Çka të ndërmerret për atë drejtim mirë është, por pak bile... Ndoshta pak pastrohet ajri, hiqet mjegulla”... tha ai.

Image

Ymeri mendon se janë automjetet ato që e kanë shkaktuar këtë ndotje të ajrit.

Edhe qytetari Enver Morina, pohon se kjo gjendje nuk është e favorshme për qytetarët, bile ai si me shaka thotë se mjafton që e kemi vendin e parë për diçka.

Morina: Shyqyr që e zumë një vend të parë

“Nuk është akt i keq, është me vend se nuk bën të shkojë njerëzimi ashtu me ndotje, vendin e parë e kemi zënë me ndotje, shyqyr që e zumë një vend të parë por s’ka kuptim ta tolerojmë një veprim të tillë. Duhet me marrë masa e shpresoj të vetëdijësohen pak, e edhe këto automjetet e vjetra të kenë kujdes ... Edhe përdorimi i thëngjillit sigurisht se e ka shkaktuar, e sidomos Obiliqi”, tha ai.

E Rrahman Rrahmani, këto vendime  i sheh të vonuara, meqë sipas tij ka kohë që Prishtina përballet me ndotje të ajrit.

Image

Rrahmani: Këto janë vendime të vonuara

“Unë mendoj se këto janë të vonuara, se këto jo vetëm që ndodhin këtë vit edhe vitin e kaluar, por qe shumë vit janë, nuk mund të themi se është mirë kjo, sepse kjo pengon edhe në biznese, edhe te qytetarët edhe tek të gjitha, por kur është në pyetje për ruajtjen e shëndetit dhe jetën e njeriut prapë them se mirë është kështu. Por, nuk ndalet vetëm me këto, nuk rregullohet kjo çështje vetëm me këto”, tha ai.

Për t’a shmangur rritjen e ndotjes së ajrit, prej nesër Komuna e Prishtinës  në bashkëpunim me Qeverinë  ka ndaluar qarkullimin e  veturave në disa pika të kryeqytetit, me përjashtim të  transportit publik, atyre të  rasteve emergjenteve, veturave zyrtare si dhe taksive të licencuara.

Është paralajmëruar se në rast neglizhimi nga pjesëmarrësit e komunikacionit me mjete motorike, do ndërmerren masa rigoroze.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test