Zyra e Bashkimit Evropian ka thënë se është në dispozicion që ta financojë ndërtimin e sallës së koncerteve në Prishtinë.
Mirëpo ajo ka kërkuar nga kryetari i komunës, Shpend Ahmeti, që t’ua sigurojë një tokë të përshtatshme, gjë që ende nuk ka ndodhur.
“Aktualisht jemi duke pritur që Kryetari i Komunës së Prishtinës të sigurojë një tokë të tillë, pa pengesa ligjore ose teknike”, thuhet në komunikatë.
Sipas tyre, pasi të caktohet vendi i ndërtimit do të hapet konkursi për dizajnin e sallës.
Ky projekt është miratuar nga Komisioni Evropian.