Ish- asamblisti i PDK-së në Prizren, Alush Shala gjatë të premtes me anë të një shkrimi në llogarinë e tij në Facebook ka njoftuar se ka dhënë dorëheqje të parevokueshme nga të gjitha pozitat e partisë.
Pas kësaj, Shala është parë në shoqërinë e kryeministrit Ramush Haradinaj, gjatë përvjetorit të partisë së këtij të fundit.
Shala dukshëm vërehet se ndihet rehat krahas Haradinajt.
Në një bisedë për Indekosnline, Shala thotë se ka qenë i ftuar në përvjetorin e AAK-së qysh para 10 ditëve si mysafirë, derisa njëkohësisht mohon të këtë kaluar në partinë e Haradinajt.
“Po kam qenë i ftuar qysh para 10 ditëve në përvjetorin e AAK-së si mysafirë, u kam premtuar se do të marrë pjesë andaj edhe e kam mbajtur fjalën”, ka thënë ai.
I njëjti, thotë se pas dorëheqjes ka marrë oferta thuajse nga të gjitha partitë politke.
“Po kam marrë oferta, thuajse nga të gjitha subjektet politike, porse ende nuk e kam vendosur. Ndoshta do të rri si i pavarur, ose ndoshta të kalojë tek ndonjë parti. Ende nuk e kam vendosur”, ka thënë tutje ai.