Vjen lajmi nga Prizreni: Është shfaqur një ari tjetër - Bota Sot
Vjen lajmi nga Prizreni: Është shfaqur një ari tjetër

Prizreni

Vjen lajmi nga Prizreni: Është shfaqur një ari tjetër

Më: 13 maj 2019 Në ora: 18:04
Pamje nga vendi i ngjarjes

Ka disa javë që banorët e fshatrave të Prizrenit janë alarmuar nga një Ari i Murrmë, i cili po ua rrezikon jetën atyre dhe po ua mbyt bagëtitë. Deri më tani, askush s’po mundet ta gjejë lokacionin e tij. E, për këtë ndihmë ka ofruar edhe Forca e Sigurisë së Kosovës.

Ariu i Prizrenit është bërë një ndër temat kryesore në vendin tonë.

Por, si duket në rajonin e Prizrenit nuk është vetëm një ari, por ka disa të tillë, të cilët shafqen herë pas here në fshatrat e kësaj komune.

Periskopi ka kontaktuar me Komunën e Prizrenit të cilët kanë deklaruar se në Lybeqevë është shfaqur një tjetër ari.

“Në fshatin Malësi e Vërrinit (Lybeqevë) në pjesën e kundër të fshatit Pouskë, ishte paraqitur një ari i ri, saktësisht më 08.05.2019 rreth orës 9:20”, thuhet në përgjigjet e lëshuar nga Komuna e Prizrenit.

Ndërsa, Komuna e Prizrenit, thotë se ariu i murrmë nuk është shafqur deri më tani.

“Gjatë këtyre ditëve në bazë të ekipeve kujdestare të pylltarisë, ariu i murrmë nuk është shfaqur”, kanë deklaruar.

Ndër të tjera, Inspektorati i Agjencionit të Pyjeve, ka dhënë autorizim për vrasjen e këtij ariu, dhe një gjë e tillë pritet të bëhet brenda 15 ditëve.

Nërkohë, për tu marrë me këtë çështje, tanimë është ftuar për të ardhur në Kosovë edhe një ekspert kroat.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...