Totaj i PDK-së: LDK na ndihmoi në Prizren, por ja pse nuk lidhëm koalicion

Prizreni

Totaj i PDK-së: LDK na ndihmoi në Prizren, por ja pse nuk lidhëm koalicion

Më: 13 janar 2022 Në ora: 23:26
Kryetari i Prizrenit Shaqir Totaj

Dorëheqja e Anton Qunit nga detyra e kryetarit të LDK-së në Prizren është arsyeja kryesore për mos arritjen e një koalicioni bashkëqeverisës me LDK-në.

Kryetari i Prizrenit Shaqir Totaj ka pranuar se LDK i ndihmoi për fitoren e tij por problemet në degë pamundësuan bashkëqeverisjen.

“Sa i përket LDK-së unë kam pritur që të kemi një përfundim të suksesshëm të bisedimeve, mirëpo pas dhënies së dorëheqjes së zotit Qunit, na u komplikua çështja se dega e LDK-së në Prizren nuk kishte lidership dhe ishte pak a shume e shkapërderdhur dhe kjo e pamundësojë arritjen e një koalicioni”, thekson Totaj.

Ndërë të tjera ai shprehi falënderimin dhe mirënjohjen ndaj LDK-së që sipas Totaj ka një kontribut të madh për fitoren e PDK-së në Prizren.

“Publikisht dëshiroj ta falenderoj LDK-në, sepse me të vërtetë na kanë ndihmu, edhe pse formalishtë kanë qenë neutral, ne kemi pasur shumë kontakte, e di që janë angazhuar, na kanë ndihmuar, dhe për këto arsye kam qenë i interesuar për koalicion por ja që nuk arritëm”, ka përfunduar Totaj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat