Ministri i Punëve të Jashtme, Enver Hoxhaj në ditën e parë të Fiter Bajramit ka vizituar Bashkësitë Islame të Podujevës dhe të Prizrenit, ku ka takuar drejtuesit e këtyre institucioneve.Hoxhaj ka vlerësuar këto dy institucione si shumë të rëndësishme me rol historik për popullin dhe shtetin e Kosovës.
Hoxhaj u ka uruar festën e bajramit të gjithë besimtarëve myslimanë në Kosovë dhe kudo që ndodhen.
“Vizitova bashkësitë fetare në Prizren dhe Podujevë, si dy institucione me një rol të jashtëzakonshëm historik për popullin dhe shtetin tonë. Mbi të gjitha, një mirënjohje e imja për muajin e sakrificës bashkë me urimin për Fitër Bajramin. E gëzofshim për shumë mot”, ka shkruar Hoxhaj.
