Takimi i radhes i NISMA-s në Prizren, u mbajtë në lagjen Petrovë, me ç’rast u dëshmua edhe këtu se vetëm Zafir Berisha do të jetë kryetar i Prizrenit dhe askush tjeter. Bartësi i listes Sinan Aliaj ishte pjesëmarrës në këtë takim, i cili para të pranishmëve ngrehi shqetësime për çështje kryesisht sociale, me të cilat po përballet shoqëria jonë, si rezultat i krijimit të gjendjes së keqe nga qeverisjet e kaluara, prandaj e ardhmja do të na përballë më pasoja të pakëndshme në raport me pasardhësit tanë, theksoi z.Aliaj.
Deputetja Albulena Balaj-Halimaj tha se ne jemi rrugës së drejtë si subjekt politik, sepse kryetari që po na përfaqëson ne dhe ekipi i tij, është oferta më e mirë në Prizren. Ndërsa kandidati për kuvend komunal Skender Susuri i bindur tha, se vetëm Zafir Berisha është kryetar që i duhet Prizrenit dhe padyshim se do të jetë kryetar i ardhshëm. Edhe pas shumë atakimeve që shpeshherë janë bërë në adresë të tij, ai përherë ka dal fitimtar, përfundoi z. Susuri.
Zafir Berisha, kandidati për kryetar të Prizrenit fillimisht falenderoi qytetarët e kësaj lagje, që çdo herë kanë qenë në mbështetje të tij. Ai tha se tani jemi edhe para një sfide të re e cila kërkon mobilizim të shtuar, në mënyrë që mbështetja juaj, të jetë pjesë e fitores tonë të madhe. Fitorja e NISMA-s do të thotë humbje për të inkriminuarit dhe të korruptuarit në qytetin e Prizrenit, qytet ky nuk e ka merituar kurrë një gjendje të tillë, çfarë e ka sot. Jemi dëshmitar se po bëhet një fushatë e pist, nga ata që kanë kapur Prizrenin, konkretisht nga drejtoret komunal. Ata po keqpërdorin paranë publike dhe institucionet, duke shtruar rrugë e oborre, në këmbim të votes.
Operatoret ekonomik në Prizren po kryejn punime pa kritere e pa kontrata gjatë kësaj fushate, vetëm e vetëm për ta ricikluar krimin dhe korrupcionin në Prizren. Prandaj është e domosdoshme ndërrimi i qeverisjes komunale, nëse duam që institucionet t’ua kthejmë qytetarëve. Nën duartrokitjet e mëdha, përfundoi fjalimin e tij kryetari i ardhshëm i Prizrenit, Zafir Berisha.