Haskuka tregon a do ta përkrah LDK-ja Vetëvendosjen në Prizren

Prizreni

Haskuka tregon a do ta përkrah LDK-ja Vetëvendosjen në Prizren

Më: 27 tetor 2017 Në ora: 21:23
Mytaher Haskuka

Mytaher Haskuka, kandidat i Vetëvendosjes për kryetar të Komunës së Prizrenit ka thënë se beson që më 19 nëntor, shumica e qytetarëve që janë në Prizren dhe që kanë votuar për të tjerët liderë, përveç ata për kandidatin e PDK-së, do ta votojnë Haskukan.

“Mendoj që pa marrëveshje me partitë është pak problem, por edhe pa marrëveshje mendoj se një pjesë shumë e madhe e votave do të vijë te unë. Kisha preferuar me pas një front të përbashkët, një bashkim të forcave në Prizren. Edhe nëse nuk ndodh kjo, besoj se kjo do të ndodh në elektorat”, ka thënë Haskuka, i ftuar në një emision  në RTV Dukagjini.

Siç ka thënë Haskuka, Këshilli i përgjithshëm i VV-së ia ka lënë “duart e lira” çdo qendre në Kosovë që të krijojë koalicione, përveç me PDK.

“Kemi pas takim me liderë të partive politike në Prizren. Është një disponim i mirë, pozitiv, por disa parti kanë probleme me qendrën. Kemi diskutuar edhe me kandidatin e LDK-së, Hatim Baxhakun, përndryshe ai është kundër qeverisjes së PDK, ai edhe siç ka thënë mbështet ndryshimin në Prizren”, ka thënë ndër tjerash Haskuka.

Në Prizren, sipas të dhënave preliminare, Shaqir Totaj i PDK-së dhe Mytaher Haskuka i VV-së, pritet të garojnë për të parin e qytetit, në garën e balotazhit.

Më të lexuarat
Sot mund të lexoni Shfletoni kopertinat