Një studim i fundit, i kryer nga Universiteti i Indianës në Shtetet e Bashkuara të Amerikës, ka publikuar një rezultat interesant, i cili bie në kundërshtim me ato që jemi mësuar të dëgjojmë për prezervativin, se ai e ul dëshirën për marëdhënie intime në çift.
Konkretisht, studimi i lartpërmendur, pohon faktin se edhe pse shumica e njerëzve e konsideron prezervativin si një armik të pasionit, shumë të tjerëve, ai u fal ndjesinë e rehatisë dhe sigurisë, gjëra këto që i bëjnë ata të bëjnë dashuri të sigurt e më të kënaqshëm.
“Meshkujt kryesisht, ndjehen më rehat, nëse ata përdorin një prezervativ, duke krijuar gjithsesi një rehati më të madhe për të dy partnerët”, pohon Devon Hensel, kërkues i këtij studimi.
Gjithsesi, mbetet fakt se shumë njerëz janë të gatshëm të betohen për të kundërtën dhe se, pavarësisht nga kjo, prezervativi është ende një masë paraprake e nevojshme.
