Gjeneza e jetës dhe qëndra e kënaqësisë, ende sot vagina është një zonë misterioze dhe për ato që e kanë një.
Vagina nuk është si mendon
Si fillim duhet thënë ( jo që nuk e kam thënë më parë ), që fjala vaginë përdoret për të treguar “ gjithë zonën aty poshtë ”, ndonëse në terma mjekësore, vagina është një kanal që lidh cervixin ( qafën e mitrës) me pjesën tjetër që ndodhet jashtë trupit ( vulvën). Për të qënë sa më të saktë që të mësoni.
Magjia e klitorisit
Me më shumë se 8000 nerva, dhe me emrin që vjen nga fjala greke që do të thotë çelës, klitorisi është qendra e kënaqësisë. Në fakt është i vetmi organ në trup që ka një qëllim të vetëm: kënaqësinë. Vetëm 1/4 e klitorisit ndodhet në pjesën e jashtme të trupit, prandaj përdorimi i vibratorit mund të ndihmojë me stimulimin e pjesës së brëndshme. Kur është i eksituar, klitorisi mund të fryhet dhe rritet në madhësi, duke u bërë më i dukshëm. Jo vetëm kjo, por ai vazhdon të rritet gjatë jetës së një personi, duke u bërë 2.5 herë më i madh gjatë viteve të pjekurisë në krahasim me pubertetin. Ndonëse ka shumë mundësi se si një bartëse vagine mund të ndjejë kënaqësi, orgazma nëpërmjet klitorisit është mënyra më e lehtë për të ndjerë kënaqësi. Një orgazëm mesatare në përmjet klitorisit zgjat nga 10 deri në 30 sekonda, duke përfshirë 3 deri në 16 kontraksione të cilat i japin orgazmës më shumë intensitet. Kështu që vazhdo me ushtrimet e Kegelit.
Shpjegimi i vulvës
Vulva është pjesa e jashtme e dukshme e organit gjenital dhe ajo përfshin kanalin vaginal, klitorisin, uretrën, buzët dhe hapjen vaginale. Nuk ka një mënyrë të “duhur” se si duhte të duket vulva. Ajo ndryshon në formë, në ngjyrë dhe madhësi. Të gjitha vulvat duhen celebruar.
Gjërat do ndryshojnë
Gjatë seksit, e gjithë vagina ose vulva jote do të dyfishojë madhësinë pikërisht për të përgatitur trupin për atë që do ndodhë. Për më shumë, vagina do të ndryshojë dhe me moshën. Siç e thashë dhe më parë, klitorisi do të dyfishohet, ndonëse pjesa më e madhe e ndryshimeve do të ndodhin në pjesën e brëndshme. Lindja e fëmijës nuk do ta ndryshojë vaginën aq shumë sa e mendon, por elemente si medikamente, menopauza dhe hormone nga planifikimi familjar mund të ndryshojnë sasinë e lëngjeve në vaginën tënde.
PH
Vagina ka një ph acid dhe një nivel normal ph-i, varion nga 3.8 deri në 4.5. Është e rëndësishme që të mbajnë këto nivele në mënyrë që të evitojmë rritjen e bakterieve dhe irritimeve. Mundohu të evitosh produkte menstruale që kanë elementë kimikë dhe zgjidh tamponat ose peceta natyrale ose kupën vaginale. Evito dushin në vaginë. Kjo gjë mund të vrasë bakteriet e mira duke i hapur rrugën bakterieve dhe infeksioneve të ndryshme. Evito sapunë shumë të fortë ose pastrues të fortë ose çdo produkt tjetër që përmban alkol apo parfum.
Çfarë të thotë vagina
Sekrecionet janë normale aq me tepër që vagina vetë pastrohet dhe vetë lubrifikohet. Megjithatë ndonjëherë sekrecionet mund të jenë një sinjal që diçka po shkon jo mirë. Kruarje dhe sekrecione si gjizë e bardhë mund të tregojnë një infeksion. Gjithashtu sekrecione me erë ose djegie gjatë urinimit mund të jenë shenja infeksionesh. Të gjitha këto mund të ndodhin dhe nga një palë mbathje të ngushta apo nga ndonjë larës agresiv. Një këshillë shumë e mirë është përdorimi i mbathjeve të pambukut që lejojnë qarkullimin e ajrit dhe ndërrimi sa më i shpejtë i veshjeve të palestrës ose veshjeve të tjera për banjo, pishinë apo që krijojnë lagështi. Përdorimi i saktë i produkteve sanitare është gjithashtu një këshillë e mirë.
Lubrifikanti
Përdorimi i lubrifikantit mund të ndryshojë jetën tënde seksuale. Jo vetëm që shton kënaqësinë gjatë paralojës duke ndihmuar njëri-tjetrin, por dhe ndihmon për dhimbje apo fërkime të sikletshmë. Lubrifikanti mund të jetë shoku më i mirë i vaginës, për sa kohë është natyral duke mos ndryshuar ph e vaginës. Për t’u sigururar që lubrifikanti nuk ju krijon asnjë irritimi, mund ta përdorni në fillim, në një pjesë tjetër të lëkurës siç mund të jetë krahu. Mbasi jeni siguruar, përdoreni në organe gjenitale.
Pika G po apo jo ?
Debati për ekzistencën e pikës G është larg përfundimit. Që prej vitit 1980 mendohet që në vaginë ka një buton magjik, që nëse zbulohet mund të falë orgazma të mrekullueshme. Megjithatë me vitet u zbulua që është pak më e komplikuar se aq. Fjala “Pika” na drejton gabimisht, duke menduar që ka një gjëndër dhe jo një pikë takimi. Pika G ndodhet aty ku takohen bërthama e klitorisit dhe gjëndra parauretrale. Hulumtuesit e përshkruajnë këtë zonë si kompleksi klitouretrovaginal ose CUV, pra më shumë si një takim të nervave, të klitorisit, vaginës dhe uretrës. Kur të gjitha këto zona janë të stimuluara, mund të ndodhë një orgazëm.
Do urinoj?
Një tjetër keqkuptim është që ejakulimi femëror është urinë ose përmban urinë. Edhe se disa individë mund të urinojnë gjatë seksit, ejakulimi femëror nuk përmban dhe nuk është urinë. Ndonjëherë përshkruhet një si ndjesi apo nevojë për të urinuar, por lëngu që rrjedh, lirohet nga disa gjëndra të vogla në anë të uretrës, që quhen gjëndrat peri-uretrale të Skenës. Ky lëng mund të kombinohet me urinën gjatë lirimit, por përsëri ejakulimi femëror nuk është urinë. LOVE
