Një numër i madh njerëzish me sëmundje zemre përdorin barnat bimore si një terapi me shpresën e përmirësimit të gjendjes shëndetësore.
Hulumtimet e mëparshme shkencore kanë ofruar dëshmi të pakta për funksionimin e sigurt dhe efektiv të barnave bimore për dhimbje ose sëmundje. Megjithatë, barnat bimore janë shumë të kërkuar në treg.
Në shumicën e vendeve, ilaçet bimore shiten pa prova klinike të mëparshme dhe prandaj ka pak dëshmi për sigurinë dhe efikasitetin e tyre në trajtim.
Një studim i kohëve të fundit në Amerikë testoi 42 barnat më të kërkuara bimore për trajtimin e sëmundjeve të zemrës (presioni i lartë i gjakut, dështimi i zemrës, forcimi arterial).
Rezultatet treguan se asnjë nga barnat e testuar nuk shkakton efekte anësore ose komplikime të mundshme. Studiuesit thonë se arsyeja e mundshme për popullaritetin e barnave bimore është mungesa e ndonjë komplikimi, kështu që shpesh ndodh që pacientët me sëmundje të zemrës nuk raportojnë te mjekët e tyre se përdorin barna bimore.
Studiuesit besojnë se mjekët duhet të përmirësojnë njohuritë e tyre për ilaçet bimore për të vlerësuar në mënyrë adekuate implikimet klinike. Pastaj mjekët mund t'u shpjegojnë pacientëve me sëmundje të zemrës, se nuk duhet të jenë gjithmonë të sigurt në përdorimin e barnave bimore, pasi mund të ketë rreziqe potenciale.
Komplikimet krijohen kur pacientët ndalojnë kokë në vete marrjen e terapisë klinike dhe fillojnë të përdorin barna bimore, pa u konsultuar me mjekun.
Është e rëndësishme të dini se disa përgatitjet bimore mund të dobësojnë efektin e barnave "të rregullta" nëse merren në të njëjtën kohë, gjë që mund të përkeqësojë shëndetin. Ekziston një lloj tjetër rreziku - kur barnat bimore nëse merren së bashku me barnat e rregullta "rrisin" efektin, i cili gjithashtu mund të jetë i rrezikshëm, për shembull, një rritje e ndjeshme e presionit të gjakut ose zvogëlim i tensionit të gjakut nën vlerat normale.
