Vuani nga dhimbja e gjurit? Shkak, ndoshta kocka “e zhdukur” - Bota Sot
Vuani nga dhimbja e gjurit? Shkak, ndoshta kocka “e zhdukur”

Shëndetësia

Vuani nga dhimbja e gjurit? Shkak, ndoshta kocka “e zhdukur”

Më: 19 prill 2019 Në ora: 13:47
Foto

Probleme me gjurin? Mund të jetë pasojë e një kocke të vogël, të menduar si të zhdukur për shkak të evolucionit, por që tani po rikthehet sërish.

“Fabella” gjendet te disa njerëz e zhytur poshtë tendinave në pjesën e pasme të gjurit. Mjekët mendojnë se është e panevojshme dhe mund të jetohet fare mirë pa të, por duket se mjaft persona që vuajne nga artriti e kanë këtë kockë rudimentare.

Image

Një ekip i “Imperial College” ka publikuar rezultatet e studimit të tij te revista e anatomisë. Dr. Michael Berthaume dhe kolegët e tij janë detyruar të shfletojnë literaturë mjekësore të lidhur me gjurin, të shtrirë në 150 vite dhe 27 vende të ndryshme.

Nga viti 1918 deri në 2018-n, raportet për kockën “fabella” në nyjen e gjurit janë shtuar ndjeshëm. Kërkimet e tyre i ka ndihmuar edhe përdorimi i skanerave, si dhe të dhënat më të sakta mjekësore nga popullsia globale në rritje.

Image

Te majmunët e vegjël është vënë re që kjo kockë mund të ndihmojë në rritjen e avantazhit mekanik të muskulit, por kur paraardhësit e majmunëve të mëdhenj dhe njerëzve evoluan, ajo u zhduk, ose të paktën kështu u mendua.

Edhe pse personat e prekur nga osteoartriti kanë dy herë më shumë gjasa ta kenë këtë kockë në gju, nuk ka ende prova të qarta që të dëshmojnë se ajo po e shkakton problemin.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...