Sa herë ke ndonjë festë, event të rëndësishëm të një mikeshe, dasmë ose edhe një darkë speciale, me siguri të ka ndodhur të kesh menduar kilet e tepërta. Ke një plan për t’i hequr pak para festës në mënyrë që të dukesh më bukur? Është më ë e thjeshtë nga ҫ’e ke menduar, vetëm nëse respekton disa hapa.
Ajo që na ndodh të gjithëve është që besojmë se me pak kile do të dukemi më mirë me fustanin e preferuar. Ideja e parë që të vjen në kokë për këtë është që gjatë kësaj periudhe (deri në festë) është të mos hash shumë... Por ndodh që të përballesh me picat apo me ëmbëlsirat….
Ҫfarë duhet të bësh në të vërtetë nëse do që në një event të shkëlqesh? Fillo të ndjekësh hapat e mëposhtëm. Dietologu Philip Goglia, i familjes Kardashian, jep disa këshilla.
Pi sa më shumë ujë
"Pi shumë ujë, në ҫdo orë të ditës… " - tregon dietologu i Kardashians për Byrdie. "Përpiqu të pish 2 deri në 3 litra ujë në ditë. Kjo do të të ndihmojë shumë të jesh e hidratuar dhe të tretësh sa më shumë."
Hiq dorë nga qumështi
Goglia rekomandon që gjatë kësaj periudhe të heqësh dorë nga "buka, produktet e qumështit dhe nga alkooli, të paktën 12 ditë para eventit." Ai shton: “Ha sa më shumë peshk dhe perime vetëm në darkë, por qëndro larg perimeve që të japin fryrje stomaku si brokoli, lakra apo edhe misri (kokoshkat).”
Bëj një banjë me kripë
Kjo është një mënyrë mjaft e mirë. “Një natë para eventit, do t’ju sugjeroja një banjë me kripë. Në vaskën me ujë të ngrohtë, shto një filxhan kafe kripë dhe qëndro për 20 minuta. Shpëlaje trupin si normalisht dhe fli. Në mëngjes, do të ndihesh më e lehtë dhe më e relaksuar.
Bëj disa ushtrime kardio
Edhe nëse nuk je shumë e shumë e dhënë pas ushtrimeve dhe aktivitetit fizik, të paktën një herë në ditë do të të ndihmojë për të hequr disa kilogramë. "Bëj një orë në ditë ushtrime kardio, gjashtë ditë në javë — në intervale të ndryshme. Dhe, sigurisht, pi shumë ujë gjatë ushtrimeve. Mos harro H2O!”
