Xhenxhefili është një bimë e cila e ka origjinën nga Kina. Xhinxheri ose xhenxhefili konsiderohet si një prej bimëve më të shëndetshme në botë, vlerat e të cilit shkojnë përtej një stine të vetme, por shtrihen përgjatë gjithë vitit.
Xhenxhefili është një antioksidant i mrekullueshëm, ka veprim shumë të mirë kur kemi të bëjmë me shqetësime në stomak. Ka veprim kundër inflamacionit, stimulon qarkullimin e gjakut, lehtëson dhembjet e muskujve dhe lufton infeksionet e brendshme.
Çaji i Xhenxhefilit është shumë i thjeshtë për t’u përgatitur. Për shqetësimet e muskujve të trupit merr një xhinxher. Grije dhe hidhi sipër gjysëm litër ujë të valuar. Lëre deri sa uji të marrë ngjyrë kafe, kulloje dhe shtrydh dy-tre limona te lëngu..
Më poshtë Gazeta Sinjali rradhit benefitet e xhenxhefilit në organizmin e njeriut:
1. Xhenxhefilli mund të trajtojë të vjellurat. Sidomos kur ndjeni përzierje të barkut xhenxhefilli njihet si një prej produkteve që lehtëson gjendjet e tilla.
2. Ndihmon në relaksimin e muskujve.
3. Ka veti antiinflamatore dhe ndikon pozitivisht në trajtimin e osteoartritit.
4. Ulë nivelin e sheqerit në gjak dhe ka ndikim në parandalimin e sëmundjeve në zemër.
5. Ndihmon perosnat që kanë problem me jashtëqitje duke lehtësuar kështu punën e zorrëve.
6. Ndihmon në zbutjen e simptomave menstruale.
7. Ulë nivelin e kolesterolit në gjak.
8. Besohet se ka veti antikancerogjene duke i’u falenderuar prezencës së 6-gingerolit e cila është më shumë aktive nëse konsumohet e pa zier.
