Ata që kanë mungesë të kësaj vitamine janë 80 për qind më të rrezikuar nga koronavirusi

Shëndetësia

Ata që kanë mungesë të kësaj vitamine janë 80 për qind më të rrezikuar nga koronavirusi

Më: 6 shtator 2020 Në ora: 20:44
Foto ilustrim

Që nga fillimi i pandemisë së koronavirusit, ekspertët mjekësorë kanë vënë paralajmërime për heqjen dorë nga zakonet jo të shëndetshme, duke i zëvendësuar ato me zakone të dobishme, në mënyrë që të ulet rreziku nga koronavirusi.

Një studim së fundmi ka pohuar se mungesa e vitaminës D në trup rrit rrezikun e infektimit me virusin korona 80 për qind më shumë.

Hulumtimi, i botuar në revistën mjekësore amerikane “Journal of American Medical Association”, mori nën shqyrtim gjendjen e 489 pacientëve, të cilët rezultuan pozitiv në testin për Covid-19 mes muajve mars-prill.

Rezultatet e dala nga studimi bënë me dije se, nga 60 për qind e pacientëve me nivele të moderuara të vitaminës D, vetëm 12 për qind prej tyre rezultuan pozitiv me virusin nga familja SARS-Cov2.

Në anën tjetër, në grupin e pacientëve që kishin nivele të ulëta të vitaminës së marrë drejtpërdrejt nga dielli, 22 prej gjithsej 25 për qind të pacientëve e kishin virusin.

Gjetjet shtohen në mesin e një sërë hulumtimesh në rritje, të cilat mbështesin idenë se vitamina D është e dobishme në luftën kundër virusit pandemik.

“Vitamina D është e rëndësishme për funksionimin e sistemit imunitar, si dhe suplimentet e vitaminës D më parë kanë provuar në uljen e rrezikut të infektimit me sëmundje virale të traktit respirator”, deklaroi autori i studimit Dr. David O. Meltzer, njëherësh edhe profesor i mjekësisë në Universitetin e Çikagos së SHBA-ve.

commentFirst article
Sot mund të lexoni Shfletoni kopertinat