Gjatë shtatzënisë ndryshimet që pëson trupi i femrës janë të shumta. Mirëpo njëra prej tyre që në jo pak raste i shqetëson ato dhe në të njëjtën kohë i bën kurioze është shfaqja e një vije vertikale në barkun e tyre.
Zakonisht fillon në pjesën e poshtme të barkut dhe vazhdon nëpër kërthizë, duke arritur disa herë lartësinë e gjoksit.
Pse dhe kur shfaqet?
Vija e errët shfaqet gjatë tremujorit të dytë dhe veçanërisht në tremujorin e tretë të shtatzënisë, ndërsa mund të qëndrojë atje për disa muaj pas lindjes.
Sipas shkencëtarëve, kjo linjë shkaktohet nga hormonet e shtatzënisë të cilat janë gjithashtu përgjegjëse për ngjyrën e errët që thithat po marrin ngadalë. Këto hormone stimulojnë qelizat prodhuese të melaninës, kështu që gratë më të errëta e tregojnë këtë vijë më intensivisht.
Mirëpo ato nuk duhet të shqetësohen fare, pasi pas ardhjes në jetë të bebit, kjo vijë zhduket vet gradualisht.
