A mund të hani para testimit për coronavirus?

Shëndetësia

A mund të hani para testimit për coronavirus?

Më: 9 mars 2021 Në ora: 14:34
Foto ilustrim

Ekzistojnë një numër udhëzimesh që duhet të ndjekin ata që shkojnë për testim, dhe megjithëse janë mjaft të thjeshta, ato janë shumë të rëndësishme.

Nga izolimi para një testi në atë nëse ju lejohet apo jo të hani para një testi për COVID-19, këtu janë të gjitha që duhet të dini.

Çfarë ndodh gjatë një testimi për COVID-19?

Në varësi të testit që po bëni, gjërat mund të ndryshojnë. Pavarësisht nëse po e bëni tamponin nga dikush tjetër ose e bëni vetë, duhet t’ju jepen udhëzime nga ndihmësi i cili po ju ndihmon.

Ndihmësi, zakonisht një infermier ose dikush që punon në fushën e mjekësisë, do t’ju flasë gjatë procesit, do të verifikojë të dhënat tuaja dhe do të sigurojë që tamponi po merret në mënyrë korrekte.

Kur të bëhet tamponi, mostrat do të merren nga fyti juaj, pasuar nga hunda, shkruan Express.co.uk.

Çfarë mund dhe çfarë nuk mund të bëni para se të bëni një test Covid?

Shumë rregulla të testimit ndryshojnë në varësi të rrethanës së testimit tuaj. Disa mund të kenë nevojë të izolohen në shtëpi para se të bëjnë testimin, ndërsa të tjerët do të jenë në gjendje të realizojnë atë vet në shtëpi.

Ata që po drejtohen për një testim të rezervuar u kërkohet të paraqiten në vendin e tyre ndërmjet 10 dhe 20 minuta më parë për të siguruar një mbarëvajtje të procesit të testimit. Vendosja e maskës është thelbësore, siç është praktikimi i distancimit shoqëror.

Para se të shkoni për testimin tuaj, rekomandohet që të hahet ushqimi një ose dy orë para testimit. Ju duhet të pini ujë vetëm në të njëjtën periudhë kohore, për të shmangur çdo gjë që ndikon në rezultatet e testit tuaj.

commentFirst article
Sot mund të lexoni Shfletoni kopertinat