Studimi: Njerëzit me diabet dhe probleme gjumi kanë më shumë rrezik të vdesin para kohe

Shëndetësia

Studimi: Njerëzit me diabet dhe probleme gjumi kanë më shumë rrezik të vdesin para kohe

Më: 8 qershor 2021 Në ora: 20:39
Foto ilustrim

Njerëzit me diabet të cilët kishin probleme të binin ose të qëndronin në gjumë kishin 87 për qind më shumë gjasa të vdisnin për ndonjë shkak gjatë nëntë viteve të ardhshme sesa njerëzit pa diabet ose probleme të gjumit, zbulon një studim i ri.

Studimi, i botuar në Journal of Sleep Research, analizoi të dhënat nga gati gjysmë milioni pjesëmarrës të moshës së mesme në Studimin Biobank të Mbretërisë së Bashkuar, i cili strehon informacione të thelluara gjenetike dhe shëndetësore për banorët e Mbretërisë së Bashkuar.

Pas kontrollit për probleme mjekësore dhe të stilit të jetës që mund të ndikojnë gjithashtu në gjumë, të tilla si mosha, gjinia, pesha, pirja e duhanit, depresioni dhe të tjera, studimi zbuloi se njerëzit që flinin keq por nuk kishin diabet kishin 11 për qind më shumë gjasa të vdisnin brenda periudhës nëntë vjeçare të studimit sesa njerëzit pa diabet që fjetën mirë, shkruan CNN.

“Personat me diabet, por jo me çrregullime të gjumit, kishin 67 për qind më shumë gjasa të vdisnin krahasuar me njerëzit pa diabet ose probleme të gjumit, dhe 87 për qind më shumë të ngjarë të vdisnin nëse kishin të dyja: diabet dhe shqetësime të shpeshta të gjumit”, tha autori i studimit Kristen Knutson, profesoreshë e asociuar e neurologjisë dhe mjekësisë parandaluese në Shkollën e Mjekësisë të Universitetit Northwestern Feinberg.

Knutson dhe ekipi krahasuan gjithashtu njerëzit me diabet që flinin mirë me njerëzit me këtë gjendje që shpesh përjetojnë gjumë të dobët.

“Njerëzit me diabet që fjetën keq kishin 12 për qind më shumë gjasa të vdisnin gjatë një periudhe nëntë-vjeçare të ndjekjes sesa njerëzit me diabet që fjetën pa shqetësime të shpeshta të gjumit”, tha Knutson.

Studimi është i pari që kombinon diabetin plus shqetësimet e gjumit dhe rrezikun e vdekshmërisë, shtoi ajo. /

commentFirst article
Sot mund të lexoni Shfletoni kopertinat