Pushimet janë të paimagjinueshme pa ushqim të bollshëm, por kaloritë e shumta mund të ndikojnë negativisht në tretje, ose të shkaktojnë fryrje të pakëndshme.
Një drekë apo darkë festash përmban dy herë më shumë kalori sesa sasia e rekomanduar për një të rritur. Ushqimi i tepërt në stomak shkakton shqetësim, dispepsi dhe vjellje.
Ekspertët këshillojnë si të parandaloni shqetësimet në zorrë, pra fryrjet gjatë pushimeve, shkruan Healthline.
Është e rëndësishme të dini se cilat ushqime shkaktojnë fryrje, të tilla si qumështi dhe gluteni, ndaj reduktoni ose shmangni ato për të shmangur dispepsi.
Kushtojini vëmendje simptomave, porcioneve dhe kohës së ngrënies pasi kjo do t'ju ndihmojë të zbuloni se cilat ushqime po shkaktojnë fryrjen tuaj, këshillojnë ekspertët.
Nëse mendoni se është mirë të hani shumë pak para një feste, e keni gabim. Gjegjësisht, kjo do të çojë në mbingrënie, e cila do të shkaktojë fryrje. Është e nevojshme të hahen vakte të vazhdueshme gjatë gjithë ditës, këshillojnë ekspertët.
Ka alternativa të thjeshta ushqimesh të shëndetshme për festat që mund t’i përgatisni si humus dhe perime të freskëta.
Në vend të orizit, zgjidhni bishtajore që janë të pasura me kalium, të cilat ndihmojnë në uljen e natriumit të tepërt që shkakton fryrje.
Shtoni perime me gjethe si lakra jeshile, shpargu dhe spinaqi pasi ato kanë një përmbajtje të lartë uji, janë të ulëta në kalori dhe plot me vitamina, minerale dhe fibra.
Pirja e alkoolit pas një vakti të madh mund të përkeqësojë fryrjen. Për të parandaluar dehidratimin, pini mjaftueshëm ujë gjatë gjithë ditës.
Ekspertët rekomandojnë një gotë alkool në ditë për femrat dhe dy për meshkujt. Gjithashtu, për çdo gotë alkool që pini, pini të paktën një gotë ujë.
