Kanceri nuk është sëmundje e kohëve moderne. Shkencëtarët kanë zbuluar se sëmundja ekzistonte tek paraardhësit e njeriut më shumë se 1 milion vjet më parë.
Studiuesit kanë gjetur gjurmë të kancerit në kockën e këmbës dhe të shpinës në dy specie të lashta të njeriut në Afrikën e Jugut.
Kocka e këmbës është e vjetër gati 1.7 milion vjet, ndërsa rruaza u përket 2 milionë vjetëve më parë.
Përpara këtyre gjetjeve, zbulimi më i vjetër i tumorit në qeniet njerëzore ka qenë 120 mijë vjet më parë.
Zbulimi është bërë nga një grup hulumtuesish shkencorë nga Instituti i Studimeve Evolucionare "Witwatersrand" dhe Qendra e Afrikës së Jugut.