Studimi: Kokaina shkatërron anatominë e trurit

Shëndetësia

Studimi: Kokaina shkatërron anatominë e trurit

Më: 24 dhjetor 2016 Në ora: 14:50
Ilustrim

Universiteti i Anglisë Lindore zhvilloi një kërkim të drejtuar nga Peter McCormick i cili thotë se studimi i hollësishëm zbuloi që një dozë e vetme kokaine mund ta ndryshojë plotësisht anatominë e trurit dhe nxisë një normë të lartë stresi.

Këto ndryshime dobësojnë vetëkontrollin dhe e bëjnë trurin më të predispozuar për tu shpërqëndruar.

Sipas studiuesve, kokaina shkakton një çarje midis dy proteinave kryesore të trurit, duke ndërprerë komunikimin midis tyre.

Kjo çarje në komunikim e bën më të vështirë për trurin ta përballojë stresin dhe rrit shansin që një përdorues të gjejë ngushëllim te kokaina.

Doktor McCormick thotë se grupi i tij ka identifikuar një mekanizëm potencial për mbrojtje kundër kësaj çarjeje. 

Por kjo nuk e ul rrezikun e përdorimit të kokainës.Mendohet se diçka e ngjashme ndodh edhe nga përdorimi i tepruar i alkolit.

Sot mund të lexoni Shfletoni kopertinat