Çdo pesëdhjetëvjeçar ka zemër “të moshës” gjashtëdhjetëvjeçare, gjë e cila rrit rrezikun nga sulmi në tru ose në zemër.
Një studim në Angli ka analizuar përgjigjet e 1.2 milion njerëzve, të cilët kanë kryer testin online, i cili në bazë të moshës, gjatësisë, peshës, presionit të gjakut, nivelit të kolesterolit vlerëson “moshën” e zemrës.
Rreth 33.000 të anketuar ishin meshkuj të moshës 50-vjeç. Sëmundja e zemrës është arsyeja kryesore e vdekjes te meshkujt, derisa te femrat janë arsyet tjera. Shumica e këtyre vdekjeve mund të parandalohen, ndërsa një e katërta ka të bëjë me personat nën moshën 75-vjeç.
Ekspertët e mjekësisë rekomandojnë që këtë problem nuk duhet lënë për më vonë, kur të plakemi.
Ja çfarë duhet bërë për të përmirësuar gjendjen e zemrës:
-duhet të jeni aktivë
-duhet ta braktisni duhanin
-humbni sa më shumë peshë
-konsumoni më pak ushqime me yndyrë
-konsumoni pemë dhe perime pesë ditë në javë
-kufizoni marrjen e kripës në organizëm
-konsumoni peshk
-reduktoni pirjen e alkoolit.