Njollat e errëta, për të cilat shumë besojnë gabimisht se krijohen pas djegieve nga dielli, në fakt është gjendja e lëkurës e njohur me emërtimin melazma.
Melazma më së shumti përfshin fytyrën dhe shkak i paraqitjes së saj është puna e tepërt e qelizave përgjegjëse për prodhimin e melaninës.
Kjo gjendje paraqitet në forma të buta dhe të rënda, dhe paraqitet në 90 për qind të rasteve te femrat, ndërsa më e shpeshtë është te njerëzit me lëkurë të errët. Por, lajmi i mirë është se ajo shërohet shumë lehtë.
Edhe pse nuk është e sqaruar mirë, studiuesit dyshojnë se qëndrimi në diell është shkaku kryesor i paraqitjes së melazmës. Rrezet ultraviolet mund të forcojnë punën e qelizave te disa njerëz.
Ndryshimet hormonale, të cilat krijohen me rastin e çrregullimit të punës së qelizave, po ashtu mund të jetë shkak i paraqitjes së melazmës.
Dermatologët zakonisht diagnozën e japin pas kontrollit të lëkurës, andaj rekomandohet shkuarja te ekspertët nëse keni dyshime.
Përveç fytyrës, njolla të errëta disa njerëz i kanë edhe në qafë.
Edhe pse nuk paraqesin rrezik, ky çrregullim mund të jetë indikator i rritjes së rrezikut nga paraqitja e kancerit të lëkurës.
Shërimi nga kjo gjendje mund të bëhet përmes trajtimit laserik, i cili ndihmon në largimin e melazmës, shkruajnë mediat britanike.
